دەرباز کۆسرەت رەسوڵ و کونسوڵی بەریتانیا: بەگفتوگۆی بونیاتنەرانە کێشەکان چارەسەربکرێت
ئەمڕۆ 3ی8ی2026 دەرباز کۆسرەت رەسوڵ ئەندامی مەکتەبی سیاسیی یەکێتیی نیشتمانی کوردستان و لێپرسراوی مەکتەبی پەیوەندییەکان پێشوازیکرد لە خاتوو “هۆڵی ڤێر” کونسوڵی گشتیی نوێی بەریتانیا لە هەرێمی کوردستان.
لە دیدارێکدا باس لە گۆڕانکاری و گرژییەکانی ناوچەکە کرا، جەخت لە سەقامیگری و گفتوگۆی بونیاتنەرانە کرایەوە بۆ چارەسەری گرفت و کێشەکان.
دەرباز کۆسرەت رەسول، پیرۆزبایی لە خاتوو “هۆڵی ڤێر” کرد، هیوای سەرکەوتنی بۆخواست وەک کونسوڵی گشتیی نوێی شانشینی یەکگرتووی (بەریتانیا) لە هەولێر.
