مەکتەبی سکرتارییەتی سەرۆک مام جەلال لە بارودۆخی تەندروستیی د. جەبار نەریمان دەپرسێتەوە
مەکتەبی سکرتارییەتی سەرۆک مام جەلال لە بارودۆخی تەندروستیی د. جەبار نەریمان دەپرسێتەوە
لە بەردەوامی خەمخۆری و وەفاداری بۆ تێکۆشەرانی شۆڕشی نوێی گەلەکەمان ، ئەمڕۆ، ٥ـی ئابی ٢٠٢٦، مەکتەبی سکرتارییەتی سەرۆک مام جەلال، لەسەر ڕاسپاردەی سەرۆک بافل جەلال تاڵەبانی و هەڤاڵ قوباد تاڵەبانی، بە یاوەری د. هێمن عاصی بەڕێوەبەری گشتیی نەخۆشخانەی شۆڕش، لە نەخۆشخانە سەردانی پزیشکی شۆڕش و تێکۆشەری دێرین (د. جەبار نەریمان عەبدول)یان کرد.
لەو سەردانەدا، مەکتەبی سکرتارییەت لەنزیکەوە لە تەندروستیی د. جەبار یان پرسییەوە و ئاگاداری بەڕێوەچوونی پرۆسەی چارەسەرەکانی بوون . هاوکات ستایشی کارو خزمەت و کۆششەکانیان کرد وەک دکتۆرێکی دڵسۆز و خەمخۆری شۆڕشی نوێ کە رۆڵی گێڕاوە لە چارەسەری سەدان کەس لە هێزەکانی پێشمەرگە لە شاخ لەم رووەوە مەکتەبی سکرتارییەت هیوای سەلامەتی زیاتر و زوو چاکبوونەوەیان بۆ خواست .
