تۆم باراک: ئەمریکا کار بۆ ئەوە دەکات عێراق سەقامگیر بێت

• تۆم باراک ڕایگەیاند، ئەرکی ئەمریکایە هەوڵبدات عێراق سەقامگیر بێت و کاریش بۆ ئەوە دەکەین.
• تۆم باراک گوتیشی ، هەناردەی نەوت لە هوورمزەوە کێشەی تێکەوتووە ، بەڵام عێراق و سووریا کلیلى چارەسەرى هەناردەى نەوتن بە بۆرى.

ئەمڕۆ تۆم باراک لە هەشتەمین کۆنفرانسی ساڵانەی دەستپێشخەریی عێراق کە لە لەندەنى پایتەختى بەریتانیا بەڕێوەدەچێت، وتارێکی پێشکەش کرد لە بارەی هێرشەکانی سەر عێراق و قەیرانی هەناردەی نەوت.

تۆم باراک نێردەی تایبەتی ترەمپ بۆ عێراق و سووریا:

• گەرووی هوورمز بووەتە سەرچاوەی کێشە لە ناوچەکە، دەبێت ڕێگەی دیکە بدۆزرێتەوە.
• گەرووى هوورمز دەستکارى ناکرێت بەڵام ڕاکێشانى بۆرى نەوت چارەسەرە
• عێراق و سووریا کلیلی چارەسەری هەناردەکردنی نەوتن بە بۆری.
• ڕێگەى بەدیلى گەرووى هوورمز بۆرییە نەوتییەکانى عێراقە.

سەقامگیریی عێراق هێڵی سوورە

• عێراق وڵاتێکى زۆر نایابە و خاوەنى مێژوویەکى پێنج هەزار ساڵە و خاوەنى کەسانى زیرەکن.
• عێراق وەک ماڵێکى کراوە پێشوازى لە هەمووان کردووە و دۆستێکى نزیکى ئێمەیە و دەبێت لەلایەن عێراقییەکانەوە بەڕێوەبچێت.
• عێراق بەردەوام ڕووبەڕووى قەیران بووەتەوە و دەبێت لەمەولا وڵاتەکە سەقامگیربێت.
• ئەرکى ئەمریکا ئەوەیە کە چۆن عێراق دۆخێکى ئارامى هەبێت.
• لە عێراق دەبێت چەک تەنیا لە دەستى دەوڵەتدابێت.

ڕۆڵی ئەمریکا لە ناوچەکە

• ئێمە وەکو ئەمریکا دەبینە چارەسەر و نابینە بەشێک لە کێشەکان.
• داوا لە لایەنەکان لە ناوچەکە دەکەم کۆتایی بە ناکۆکییەکانیان بهێنن.
• دەمانەوێت دەستى هاوکارى بۆ سەقامگیرى لە ڕۆژهەڵاتى ناوەڕاست درێژبکەین