سەرۆك بافڵ و مامۆستا عەلی باپیر جەخت لەچارەسەركردنی كێشەكان دەكەنەوە
بافڵ جەلال تاڵەبانی، سەرۆكی یەكێتیی نیشتمانیی كوردستان لە سلێمانی سەردانی مامۆستا عەلی باپیر، سەرۆكی كۆمەڵی دادگەریی كوردستانی كرد.
لە كۆبوونەوەیەكدا كە شاڵاو كۆسرەت رەسوڵ و سالار لالە سەرحەد، لێپرسراوی بۆردی پەیوەندییە كوردستانییەكانی یەكێتی ئامادەیبوون، تاوتوێی دۆخی سیاسیی هەرێمی كوردستان و عیراق كرا و جەخت لە یەكخستنی هەوڵەكان بۆ چارەسەركردنی كێشەكان كرایەوە.
پەرەپێدانی پەیوەندییەكانی نێوان یەكێتیی نیشتمانیی كوردستان و كۆمەڵی دادگەریی كوردستان و گرنگیی دیالۆگ لە نێوان لایەنە سیاسییەكاندا، تەوەرێكی دیكەی گفتوگۆكان بوون.
