قوباد تاڵەبانى: ئەمڕۆ گفتوگۆ لەبارەى پرسە گرنگەکان دەکەین

پووختەى هەواڵ

• کۆڕبەندى ستراتیجیی سلێمانى بە وتارى قوباد تاڵەبانى دەستپێکرد.
• لە وتارەکەیدا جەختى لە ڕۆڵ و پێگەى سلێمانى لە پرسە گرنگەکاندا کردەوە.

قوباد تاڵەبانى لە وتارەکەیدا بەخێرهاتنى میوانەکانى کرد و خۆشحاڵی خۆى بۆ بەشدارییان لە کۆڕبەندەکە دەربڕى و گوتى “شانازییەکى گەورەیە هەمووتان لێرەن”.

قوباد تاڵەبانى:

• زۆرێک لە دۆستانمان لە شوێنى دوورەوە هاتوون بۆ ئەم کۆڕبەندەکە.
• سلێمانى بە شارى هەڵمەت و قوربانى ناسراوە.
• سلێمانى هیچ کاتێک ڕازى نەبووە هیچ کەسێک بەسەریدا زاڵ بێت.
• سلێمانى شیاوترین شوێنە بۆ ئەم جۆرە گفتوگۆیانە
• پانێڵەکانى ئەمڕۆ و سبەى داهاتوویەکى باشترمان بۆ دەخولقێنن.
• هیوادارم بە گفتوگۆکانمان بگەینە دەرئەنجامێک و گفتوگۆیەکى دۆستانە بکەین.

ئەمڕۆ و سبەى، کۆڕبەندى ستراتیجیی سلێمانی، بە بەشداریی چەندین سەرکردە و کەسایەتیی سیاسی و ئابووری و ئەمنی و سەربازیی لە ئاستی هەرێمی کوردستان و عێراق و جیهان، لەژێر چاودێریی سەرۆکایەتیی کۆماری عێراق و قوباد تاڵەبانی بەڕێوەدەچێت.