جێگری پارێزگاری سلێمانی داوایەکى بەپەلە ئاڕاستەى بازرگانان دەکات

پووختەى هەواڵەکە

• جێگری پارێزگاری سلێمانی داوایەکى بەپەلە ئاڕاستەى بازرگانان دەکات.
• هەڕەشەی گرتنەبەری ڕێکاری تووند دەکات.
• شاهۆ عوسمان: هەر بازرگانێک نرخ بەرزبکاتەوە سزای تووند دەدرێت.
• شاهۆ عوسمان: پێویستە بازرگانەکان بەگیانی بەرپرسیارانە مامەڵە لەگەڵ ئەو دۆخە بکەن.

شاهۆ عوسمان، جێگری پارێزگاری سلێمانی لە ڕاگەیێنراوێکدا دەڵێت، هەر مارکێت و دوکان و شوێنێکی گشتی نرخ بەرز بکاتەوە ئەوان ڕێکاری تووند بەرامبەری دەگرنەبەر .

دابەزینى بەهاى دینار کێشە گەورەکە

• پێویستە بازرگانەکان بەگیانی بەرپرسیارانە مامەڵە لەگەڵ ئەودۆخە بکەن، تا ئەو کاتەی بارودۆخەکە ئاسایی دەبێتەوە.
• هەوڵەکان بۆ چارەسەرکردنی دۆخەکە بەردەوامە، با هەموومان پێکەوە لە پێناو بەرژەوەندیی هاونیشتمانییان ئەم قۆناغە و تێپەڕێنین.
• شاهۆ عوسمان جەختلەوە دەکاتەوە، ڕۆژانە لە ڕێگەی چەندین لیژنەوە چاودێری دۆخی بازاڕ و ژیانی هاونیشتمانییان دەکەن.
• بۆیە هەر حاڵەتێکی گرانی و ناردنی پێداویستی کەم لە لایەن کۆمپانیاکانی خۆراک بۆ مارکێتەکان بەدی بکرێت، توندترین سزای یاساییان دەدەن و لە دەزگاکانی ڕاگەیاندن ناویان بڵاودەکەنەوە.

جێگری پارێزگاری سلێمانی داوا لە هاونیشتمانییان دەکات، ئەگەر سکاڵایان هەیە دەتوانن لیژنەکانی قایمقامییەتی ناوەندیی سلێمانی ئاگادار بکەنەوە.