بەڕێز رەهبەر سەید برایم لێپسراوی بۆردی تێکۆشەرە دێرینەکان سەردانی بارەگای لیوای (٤٤) فیرقەی (١٠) لەلایەن بەڕێز عەمید (عەلی قادر بڵباس)فەرماندەی لیوای بەگەرمی پێشوازی لێکرا.
ڕۆژی سێشەممە ٦ تشرینی یەکەم ٢٠٢٦ بەڕێز رەهبەر سەید برایم لێپسراوی بۆردی تێکۆشەرە دێرینەکانی یەکێتیی نیشتمانی کوردستان بەیاوەری ئەندامانی بۆرد بەڕێزان (مەلا ئەحمەدی گەرمیان ، شەماڵ عەبدولخاڵق ، دڵشاد باویانی و
شێخ جەبار) لێپسراوی بەشی تێکۆشەران لە مەڵبەندی ڕاپەڕین سەردانی بارەگای لیوای (٤٤) فیرقەی (١٠) و لەلایەن بەڕێز عەمید (عەلی قادر بڵباس)فەرماندەی لیوای بەگەرمی پێشوازی لێکرا.
بەڕێز رەهبەر سەید برایم پیرۆزبایی گەرمی ئاراستەی بەڕێز عەمید عەلی قادر بلباس کرد بە بۆنەی دەستبەکاربوونی وەک فەرماندەی لیوا و هیوای سەرکەوتنی بۆ خواست لە ئەرکی نوێ و پشتیوانی خۆیان بۆ بەڕێز فەرماندەی لیوا دەربڕی ، لە دیدارکەدا جەختیان لەسەر گرنگی هەماهەنگی و هاوکارییە بەردەوامەکان لە پێناوی بەهێزکردنی کار و ئەرکە سەربازییەکان و بەجێهێنانی بەرپرسیارێتییەکانی لیوا کرد.
لە لایەن خۆیشیەوە بەڕێز فەرماندەی لیوا سوپاسی بەڕێز لێپسراوی بۆرد و وەفدی یاوەری کرد و جەختی لەسەر بەردەوامبوونی ڕۆحی هاوکاری و هەماهەنگی و خزمەتکردنی باشتر بۆ ئەرک و بەرپرسیارێتییە سەربازییەکان کردەوە.
نووسینگەی ڕاگەیاندنی بەڕێز لێپسراوی بۆرد.
