عەلی زەیدی: بەهۆی داخستنی گەرووی هورمزەوە ڕووبەڕووی ئاستەنگی گەورەی ئابووریی بووینەتەوە
سەرۆکی ئەنجوومەنی وەزیران عێراق، لە پێشوازی کۆمەڵێک دەزگای ڕۆشنبیری و ناوەندی توێژینەوە ڕایگەیاند، عێراق بەهۆی جەنگ و داخستنی گەرووی هورمزەوە رووبەڕووی ئاستەنگی گەورەی ئابووریی بووەتەوە.
چیرۆکی سەرەکی: عەلی زەیدی، سەرۆکوەزیرانی عێراق پێشوازی لە ژمارەیەک لە سەرۆکەکانی ناوەندەکانی توێژینەوە و لێکۆڵینەوە لە عێراق کرد، لە دیدارەکەدا جەختی لەسەر ڕۆڵی گرنگی ناوەندەکانی توێژینەوە و لێکۆڵینەوە کردەوە و باسی لە پلان و ستراتیژییەکانی حکومەتەکەی لە بوارەکانی سیاسەت، ئاسایش و ئابووریدا کرد.
ڕاگەیەنراوی فەرمی: نووسینگەی ڕاگەیاندنی سەرۆکوەزیرانی عێراق ڕایگەیاند، زەیدی لە دیدارەکە، چوارچێوەی سیاسەتی دەرەوەی عێراقی بۆ ئامادەبووان خستەڕوو، کە لەسەر بنەمای ڕێزگرتنی هاوبەش و بەرژەوەندییە هاوبەشەکان دامەزراوە.
٠ سەروەکوەزیران ئاماژەی بە هەوڵەکانی عێراق کرد بۆ هێورکردنەوەی دۆخی ناوچەکە و بەشداریکردن لە چارەسەرکردنی قەیرانەکاندا بۆ پشتگیریکردنی ئاسایش و سەقامگیریی ناوچەیی.
٠ زەیدی، بە ڕوونی ئاماژەی بەوە کرد، عێراق لە قۆناغی ئێستادا بەهۆی داخستنی گەرووی هورمزەوە رووبەڕووی ئاستەنگی گەورەی ئابووریی بووەتەوە
