دابەشکردنى بەنزینى 750 دینارى لە سلێمانى بەردەوام دەبێت
پووختەی هەواڵەکە:
- لە سلێمانى ڕۆژانە نزیکەى 500 هەزار لیتر بەنزینى پاڵپشتیکراو دابەش دەکرێت
- ڕۆژانە لە 16 بەنزینخانەى سلێمانى بەنزینى جۆرى نۆرماڵى پاڵپشتیکراو بە نرخى 750دینار دابەش دەکرێت.
- هەر بەنزینخانەیەک یەک تانکەرى30 تا 33هەزار لیترى بۆ دابیندەکرێت.
کەناڵ8 لە بەڕێوەبەرایەتیى نەوت و کانزاکانى سلێمانییەوە زانیارى ئەوە دەستکەوتووە کە بەنزینى پاڵپشتیکراو لە سلێمانى بەردەوام دەبێت و بڕەکەشى کەمنەکراوەتەوە و ئەوەى هەیە تەنیا کاتى دابەشکردنەکەى ڕێکخراوە.
، ڕۆژانە لە 16 بەنزینخانەى سلێمانى بەنزینى جۆرى نۆرماڵى پاڵپشتیکراو بە نرخى 750دینار دابەش دەکرێت و هەر بەنزینخانەیەک یەک تانکەرى30 تا 33هەزار لیترى بۆ دابیندەکرێت.
چۆنتی پرۆسەی دابەشکردنی بەنزینی پاڵپشتیکراو
- ڕۆژانە لە کاتژمێر شەشى بەیانییەوە بەنزین دەگاتە بەنزینخانەکان لە هەر 16 بەنزینخانەکە پشکنینى بۆ دەکرێت و ڕاستەوخۆ دەست بە دابەشکردنى دەکرێت”.
- تاوەکو بەنزینەکە تەواو دەبێت دابەشکردن لە هەموو بەنزینخانەکان بەردەوام دەبێت.
- دیاریکردنى کاتەکەش بۆ ئەوە بووە هیچ بەنزینێک بەبێ پشکنین دابەشنەکرێت.
سەرچاوەیەک لە بەڕێوەبەرایەتیى نەوت و کانزاکانى سلێمانى، گوتى “بەنزینى 750 دینارى هاوشێوەى پێشوو بەردەوام دەبێت، بەڵام کاتەکەى ڕێکخراوە لە کاتژمێر شەشى بەیانییەوە بەنزین دەگاتە بەنزینخانەکان لە هەر 16 بەنزینخانەکە پشکنینى بۆ دەکرێت و ڕاستەوخۆ دەست بە دابەشکردنى دەکرێت”.
هیچ بڕە بەنزینێک بێ پشکنین دابەشناکریت
بەگوێرەى ڕێکارە تازەکەى بەڕێوەبەرایەتیى نەوت و کانزاکان، تاوەکو بەنزینەکە تەواو دەبێت دابەشکردن لە هەموو بەنزینخانەکان بەردەوام دەبێت و دیاریکردنى کاتەکەش بۆ ئەوە بووە هیچ بەنزینێک بەبێ پشکنین دابەشنەکرێت.
دابەشکردنى بەنزینى پاڵپشتیکراوى نۆرماڵ، نرخى هەرسێ جۆرەکەى بەنزینى لە بەرزبوونەوەى زیاتر لە سلێمانى ڕاگرتووە و ڕۆژانە هەزاران ئۆتۆمبێل لێى سوودمەند دەبن
