بەركەوتووانی چەكی كیمیای ئاگادار دەكرێنەوە

بەڕێوەبەرایەتی گشتی شەهیدان و ئەنفالكراوانی هەڵەبەجە سەرجەم بەركەوتووانی چەكی كیمیای ئاگادار دەكاتەوە كە ئەوانەی تا ئێستە مووچەیان نییە سەردانیان بكەن.

ئەمڕۆ دووشەم 24ـی ئاب، لە راگەیەندراوێكی بەرشێوەبەرایەتی گشتی شەهیدان و ئەنفالكراوانی هەڵەبجە هاتووە، ئاگاداری ئەو كەسانە دەكەین بەركەوتەی چەكی كیمیاوین و مووچەی بەركەوتەیان نییە و ناوی نییە ، لەماوەی 10 رۆژدا سەردانی بەڕێوەبەرایەتی گشتی شەهیدانی هەڵەبجە بكەن بۆ پڕكردنەوەی فۆڕمی تایبەت بە بەركەوتەی چەكی كیمیاوی . 

ئاماژە بەوەشكراوە، تكایە هەركەس بەركەوتەی چەكی كیمیاویە و مووچەی نییە ، یان كەسێك دەناسێت بەركەوتەی چەكی كیمیاویە  ئاگاداری بكاتەوە بۆئەوەی سەردانی بەڕێوەبەرایەتی گشتی شەهیدانی هەڵەبجە بكات بۆ پڕكردنەوەی فۆڕمەكە ، تاوەكو كەس مافی نەفەوتێت . 

تێبینی :

1- هەر بەڕێزێك بەركەوتەی چەكی كیمیاوی بێت و مووچەی نەبێت،   دەتوانێت فۆڕمەكە پڕكاتەوە .

2- دەبێت خودی كەسەكە یان كەسی یەكەمی فۆڕمەكە وەرگرێت و پڕی كاتەوە . 

3- ئەمە دواین دەرفەتە هەركەس لەو ماوەیەدا سەردان نەكات و فۆڕم پڕنەكاتەوە ، مافی دەفەوتێت ، چوونكە ئەو لیژنە پزیشكیە دروستكراوە بۆ پشكنینی بەركەوتوان دواین لیژنە دەبێت .

4- ئەو كەسەی فۆڕمەكە وەردەگرێت كارتی نیشتمانی لەگەڵ خۆی بهێنێت .