مەکتەبی سیاسی: یادی لەدایک بوونی پێغەمبەر ببێتە مایەی پتەوكردنی گیانی برایەتی
مەكتەبی سیاسی یەكێتیی نیشتمانیی كوردستان، لە یادی لە دایكبوونی پەیامبەری ئیسلام حەزرەتی محەمەد درودی خودای لێبێت ، گەرمترین پیرۆزبایی لە گشت موسڵمانان دەكات و هیواخوازیشە ئەم بۆنەیە ببێتە هەوێنی پتەوكردنی گیانی برایەتی و خزمەتكردنی باشتركردنی گەلەكەمان.
دەقی پەیامەکەی مەکتەبی سیاسی:
لە یادی لە دایكبوونی پەیامبەری ئیسلام حەزرەتی محەمەد درودی خودای لێبێت ، گەرمترین پیرۆزبایی لە گشت موسڵمانان دەكەین .
لەم یادە پیرۆزەدا نزا دەكەین یەزدانی مەزن دەرگای خێر و ئاشتی بەسەر ناوچەكە و نیشتمانەكەماندا بكاتەوە و ئەم بۆنەیە ببێتە هەوێنی پتەوكردنی گیانی برایەتی و خزمەتكردنی باشتركردنی گەلەكەمان و هەموان نزا و گشت سروتە ئایینیەكان بە شادی بكەنەوە.
مەكتەبی سیاسی
یەكێتیی نیشتمانیی كوردستان
