داهاتی نانەوتی هەفتەی رابردووی سلێمانی و هەڵەبجە زیاتر لە حەوت ملیار دینار بووە

داهاتی نانەوتی  یەك هەفتەی پارێزگاكانی سلێمانی و هەڵەبجە، لە رۆژانی  15ئاب تا  21 ئابی 2026 ، بڕی حەوت ملیار و 178ملیۆن دینار بووە.
سایتی شەفافیەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان، داهاتی یەك هەفتەی راگەیاندووە بەشێوەیەك، بڕی حەوت ملیار و 178 ملیۆن و 790 هەزار و 659 دینار بووە، بەجۆرێك كە سەدا 82ی داهاتەكە بەشێوەی نەختینەیە و سەدا 18ی داهاتەكە بەشێوەی چەكە و مقاسەش سفرە .
رۆژی 15-12-2022 دوای 30 ساڵ، حكومەتی هەرێمی كوردستان لەسەر دەستی قوباد تاڵەبانی بوو بەخاوەنی پڕۆژەی شەفافییەت لە داهات و خەرجی. ئێستا رۆژانە دەتوانیت سەرجەم داهاتە نانەوتییەكانی پارێزگاكانی سلێمانی و هەڵەبجە و هەردوو ئیدارەی سەربەخۆی گەرمیان و راپەڕین لەسایتی شەفافییەتەوە بزانیت.