مەکتەبی سکرتارییەتی مام جەلال لە نەخۆشخانە تێکۆشەری دێرین هەڤاڵ (قەرەنی عەبدوڵا ئاغا) بەسەرکردەوە
ئەمڕۆ ١٥ـی ٧ـی ٢٠٢٦، مەکتەبی سکرتارییەتی سەرۆک مام جەلال لە نەخۆشخانە سەردانی تێکۆشەری دێرین و کەسایەتی دیاری دەڤەری راپەڕین و نوێنەری تایبەتی سەرۆک مام جەلال لە مەڵبەندی راپەڕین هەڤاڵ ( قەرەنی عەبدوڵا ئاغا ) یانکرد .
لەو سەردانەدا ؛ مەکتەبی سکرتارییەت روونیان کردەوە لەسەر راسپاردەی سەرۆک بافڵ و هەڤاڵ قوباد تاڵەبانی سەردانی هەڤاڵ قەرەنی ئاغا یانکردووە و بە گرنگییەوە لە باشبوونی تەندروستی بەڕێزییان دەڕوانن ، مەکتەبی سکرتارییەتی سەرۆک مام جەلال رایانگەیاند پاڵپشت بە قارەمانێتی و ورە بەرزی هەڤاڵ قەرەنی ئاغا ئومێد دەکەین بە سەلامەتی ئەم قۆناغەش تێپەڕێنێت و بە گڕوتینی زیاترەوە بێتەوە ناومان.
لە بەرامبەردا ؛ خانەوادە و بنەماڵەی سەربەرزی هەڤاڵ قەرەنی ئاغا سوپاسی ئەو بەسەرکردنەوەیان کردوو پێزانینیان دەربڕی بۆ ئەو بە دەمەوە هاتنە .
