مستەفا کاراسوو: لە شاخین و بە چەک خۆمان دەپارێزین

پووختەى هەواڵ

• گومان و دوودڵى لاى بەرپرسانى قەندیل بەرامبەر هەنگاوەکانى تورکیا ماوە.
• پەکەکە چەندین هەنگاوى لە چوارچێوەى پڕۆسەکەدا ناوە و لەناو تورکیا کشاوەتەوە.
• دۆخ و پێگەى ئۆجەلان نیگەرانییەکى سەرەکى بەرپرسانى قەندیلە.

مستەفا کاراسوو، ئەندامی کۆنسەی بەڕێوەبردنی کەجەکە لە دیمانەیەکدا لەگەڵ مەدیا خەبەر دەڵێت، هێشتا لە شاخن، چەکیان پێیە و خۆیان دەپارێزن.

مستەفا کاراسوو:

• ڕاستە شەڕمان دژی تورکیا ڕاگرتووە، بەڵام هەمیشە ئەگەری هێرش هەیە بۆ سەرمان.
• ئەگەر تورکیا دیموکراتیزە ببێت، ئایندەی خۆی گرەنتی دەکات.
• نەبردنەسەری ئەو بەڵێنانەی بە ئۆجەلان دراون، لەوانەش مافی هیوا کە دەوڵەت باخچەلی پێیدا، مایەی قبوڵکردن نین.
• بەبێ کردنەوەی دەرگا بەڕووی ئازادیی جەستەیی ئۆجەلان، پڕۆسەکە بەرەوپێشەوە ناچێت.
• نابێت لە ئێستا بەدوا دیدارەکان لەگەڵ ئۆجەلان بە نهێنیی بهێڵرێنەوە و پێویستە پێگەکەشی دیاری بکرێت.

بەبۆچوونى مستەفا کاراسوو “باسکردن لەوەی ئەنجوومەنی ئاسایشی نەتەوەیی تورکیا چەکدانانی پەکەکە پشتڕاستبکاتەوە، بێمانایە”.