سەرۆککۆمار سەردانی کەسایەتی دیاری سیاسی عومەر فەتاح دەکات
نزار ئامێدی سەرۆککۆماری عیراق، لە شاری سلێمانی ئەمرۆ 24ی10ی2026 سەردانی عومەر فەتاح کەسایەتی دیاری سیاسی و ئەندامی پێشووی کارگێری مەکتەبی سیاسی یەکێتیی نیشمانیی کوردستانی کرد.
لەو سەردانەدا بارۆدۆخی گشتی وڵات و هەرێمی کوردستان و دوایین پێشهاتی سیاسی ناوچەکە و جیهان تاوتوێکران.
لەو بارەیەوە سەرۆک کۆمار رۆڵی عومەر فەتاحی بەرز نرخاند لە خەباتی شار و شاخ کە رۆڵی گرنگی بینیوە لە خزمەتکردنی کۆمەڵانی خەڵکی کوردستان لەرێگەی ئەو پۆستە باڵایانەی کە بەڕێوەی بردوە و هیوای هەمیشە تەندروستی باشی بۆ بەڕێزیان خواست .
لە بەرامبەردا عومەر فەتاح خۆشحاڵی خۆی بە سەردانەکەی سەرۆک کۆمار دەربڕی و هیوای سەرکەوتنی بۆ خواست لە ئەرکەکانیدا.
