دادگای فیدراڵی داوایەکی سەر حکومەتی هەرێمی بۆ مانگی داهاتوو دواخست
دادگای باڵای فیدراڵیی عیراق دانیشتنی دادبینیی لەسەر سێ سکاڵای دژی پەرلەمان و حکومەتی هەرێمی کوردستان بۆ 20ی تشرینی یەکەم دواخست، تاوەکو رێکارە یاساییەکان و وەڵامی لایەنەکان تەواو دەکرێن.
ئەم دواخستنە دەرفەتێک بۆ هەرێم دەڕەخسێنێت تا ناکۆکییە ناوخۆییەکانی یەکلابکاتەوە؛ لە کاتێکدا نەبوونی رێککەوتن لەسەر پێکهێنانی کابینەی نوێ هەرێمی رووبەڕووی بۆشایی دەستووری کردووەتەوە و لە ئەگەری پەسەندکردنی داواکارییەکان لە دانیشتنی داهاتوودا، دەسەڵاتە ستراتیژییەکانی هەرێم لە کەرتی وزەدا هەڵدەوەشێنەوە.
