ئەمریکا و عیراق جەخت لە چارەسەری دیپلۆماسی بۆ گرژییەکانی ناوچەکە دەکەنەوە
عەلی زەیدی سەرۆکوەزیرانی عیراق و ستیڤن ڤەیگن ھەڵسوڕێنەری کاروباری تیمی نێردەی ئەمریکا لە عیراق، جەخت لە گفتوگۆی نێوان لایەنەکان و چارەسەری دیپلۆماسی دەکەنەوە بۆ تێپەڕاندنی گرژییەکانی ناوچەکە.
بەپێی راگەیاندنی نوسینگەی راگەیاندنی سەرۆکوەزیران، لە کۆبوونەوەکەدا باس لە پتەوکردنی پەیوەندییە دووقۆڵییەکان و فراوانکردنی هاریکاری هاوبەش لە تەواوی بوارەکانی کرا، بەشێوەیەک ببێتە هۆی پتەوکردنی هاوبەشیی لە نێوان هەردوو وڵات.
هەر لە کۆبوونەوەکەدا، باس لە پێشهاتەکانی ناوچەکە کرایەوە و تیایدا دووپاتیان لە گرنگی گفتوگۆ و چارەسەری دیپلۆماسی بۆ تێپەڕاندنی گرژییەکان کردەوە، کە خزمەت بە ئاسایشی و سەقامگیری ناوچەکە دەکات و بەرژەوەندی گەلانی ناوچەکەش دەپارێزێت.
