هاوخەمی مەکتەبی سیاسی یەکێتی بۆ كۆچی دوایی مەهدی زانا
مەکتەبی سیاسی یەکێتیی نیشتمانیی کوردستان بەهۆى کۆچى دوایى “مەهدی زانا”پەیامێکى هاوخەمى ئاڕاستەى بنەماڵەى ناوبراو، هاوڕێیانى و”لەیلا زانا” دەکات، كە ئەمە دەقەكەیەتی:
بەڕێز وتێکۆشەر خاتوو لەیلا زانا و زارۆکانی
بنەماڵەی تێکۆشەری کورد لە باکوور مامۆستا مەهدی زانا
بۆ کۆچی دوایی تێکۆشەری دێرینی باکوری کوردستان و سەرۆکی پێشووتری گەورە شاری ئامەد مامۆستا مەهدی زانا لەناخی دڵەوە پرسە و ماتەمی خۆمان ئاڕاستەی ئێوەی بەڕێز و گشت هەڤاڵان و جەماوەری شاری ئامەد دەکەین کە کۆچکردو بە درێژایی تەمەنی درێغی نەکرد لە خزمەتکردنیان و لە داکۆکیکردن لە مافەنەتەوەییەکانی گەلی کورد و لە دیموکراتیزەکردنی تورکیا و لەم رێگایەشدا تووشی زیندان و مەنفا و چەرمەسەری زۆر هاتبوو.
لە یەزدانی مەزن داواکارین کۆچکردو بخاتە بەر دلۆڤانیی خۆی و ئارامی ببەخشێت بە گشت لایەک.
مەکتەبی سیاسی
یەکێتیی نیشتمانیی کوردستان
