فایەق زێدان و ئەمریکا چارەنووسی هاوپەیمانان و چەکی نایاسایی تاوتوێ دەکەن

دادوەری باڵای عێراق و دیپلۆماتکارانی ئەمریکا لەسەر پرسی سەروەریی یاسا و چارەنووسی هێزە بیانییەکان گەیشتوونەتە لێکتێگەیشتنی نوێ. کۆبوونەوەکە جەخت لەسەر هەستیاریی قۆناغی دوای کشانەوەی هاوپەیمانان دەکاتەوە و ئاماژەیە بۆ هەوڵەکان بە ئاراستەی کۆنترۆڵکردنی ئەو گروپە چەکدارانەی لە دەرەوەی چوارچێوەی دەوڵەت کار دەکەن.

ئەنجوومەنی باڵای دادوەری:

• دادوەر فایەق زێدان جەختی لە جێبەجێکردنی ڕێکارە یاساییەکان کردووەتەوە بەرامبەر هەر لایەنێک چەک لە دەرەوەی یاسا هەڵبگرێت.
• ئەنجوومەنی باڵای دادوەری کار لەسەر ئامادەکارییە دادییەکان دەکات بۆ قۆناغی کۆتاییهاتنی ئەرکی هاوپەیمانان لە 30ی ئەیلوولدا.
• عێراق دەیەوێت لە ڕێگەی سەروەریی یاساوە کۆنتڕۆڵی تەواوی دۆخی ئەمنی و سەربازیی وڵات بکات و ڕێگری لە هەر پێشێلکارییەک بگرێت.

باڵیۆزخانەی ئەمریکا و پەیوەندییە هەرێمییەکان:

جۆشوا هاریس، کاربەڕێکەری باڵیۆزخانەی ئەمریکا لە عێراق، لە دیدارەکەدا باسی لە هەماهەنگییەکان کردووە بۆ قۆناغی داهاتوو. ئەم کۆبوونەوەیە لە کاتێکدایە کە ڕۆژی 25ی ئاب، فایەق زێدان لە تاران بووە و لەگەڵ مەسعود پزیشکیان، سەرۆککۆماری ئێران و محەممەد باقر قالیباف، سەرۆکی پەرلەمانی ئەو وڵاتە کۆبووەتەوە بۆ تاوتوێکردنی پرسە یاساییە هاوبەشەکان. هەر دوێنێ فایەق زێدان لەگەڵ غوڵام حسێن ئێژەیی، سەرۆکی دەسەڵاتی دادوەریی ئێران کۆبووەوە و واشنتن چاوی لەوەیە عێراق لە ڕێگەی دامەزراوە دادییەکانیەوە کۆنتڕۆڵی چەک بکات، هاوکات لەگەڵ نزیکبوونەوەی وادەی گۆڕانکاریی لە ئەرکی هێزە نێودەوڵەتییەکاندا.