خاتوو شاناز ئیبراهیم ئەحمەد ئینستیتیوتی کەلەپوری کوردی لەشاری سلێمانی بەسەرکردەوە
خاتوو شاناز ئیبراهیم ئەحمەد ئینستیتیوتی کەلەپوری کوردی لەشاری سلێمانی بەسەرکردەوە و چاویکەوت بەهونەرمەند و لێکۆڵەری ناسراوی کورد مامۆستا مەزهەری خالقی.
لەو دیدارەدا رۆڵی ئینستیتیوتەکە وەک گەورەترین دامەزراوەی ئەکادیمی و کلتور و فەرهەنگی گرنگی کورد وەسفکرا، لەوبارەیەوە مامۆستا مەزهەر رایگەیاند ئەم ئەرشیفە سەلمێنەری ناسنامەی نەتەوەیی و مێژوویی کوردە.
خاتوو شاناز رایگەیاند، پاراستنی ئەم گەنجینە پڕ لەبەڵگەنامە و ئەم میراتەی گەلەکەمان ئەرکێکی زۆر پیرۆزە و سوپاسی خەمخۆری و دڵسۆزی وماندووبونی مامۆستا مەزهەر و ستافەکەی ئەکەم بۆ کۆکردنەوەی ئەو ئەرشیفە دەوڵەمەندە لەپێناو گەشەپێدانی کەلەپور و کلتوری زارەکی و میوزیک و فۆلکۆر و ئەدەبیاتی نەتەوە جیاوازەکان.
