دادگا بەفەرمانێکی کاتیی سزادانی سەر كۆڕەك تیلیكۆمی ڕاگرت
کۆمپانیای كۆڕەك تیلیكۆم ڕایگەیاند، دادگای رەسافەی بەغداد فەرمانێکی کاتیی دادوەریی (ئەمر وەلائی) دەرکرد بۆ راگرتنی جێبەجێکردنی سزادانی كۆمپانیای كۆڕەك تیلیكۆم.
پێشتر دەستەی راگەیاندن و پەیوەندییەكانی عیراق رایگەیاندبوو، کۆڕەک تیلیکۆم بڕی نزیکەی یەک ملیار و 500 ملیۆن دۆلار قەرزداری دەوڵەتە، بۆیە لە چەند رۆژی رابردوودا بە هەماهەنگی لەگەڵ دەزگای ئاسایشی نیشتمانیی عیراق، نوسینگەی سەرەکیی کۆمپانیاکەی لە ناوچەی جادریە و سێ بنکەی دیکەی فرۆشتنی لە بەغداد داخست.
هەروەها هەڕەشەی راگرتنی تەواوەتیی خزمەتگوزارییەکانی کۆڕەک تیلیکۆم و دەستبەسەرداگرتنی موڵک و ماڵەکانی کردبوو.
