زەیدی: ساڵی ٢٠٢٧دەبێتە ساڵی دوو هێندەکردنی کارەبا
سەرۆکوەزیران: ساڵی ٢٠٢٧ دەبێتە ساڵی دوو هێندەکردنی بەرهەمهێنان و دابەشکردنی کارەبا.
عەلی فالح الزیدی، سەرۆکی ئەنجومەنی وەزیران، ڕایگەیاند کە ساڵی ٢٠٢٧ دەبێتە ساڵی دوو هێندەکردنی بەرهەمهێنانی وزەی کارەبا و زیادکردنی توانای گواستنەوە و دابەشکردنی، ئەمەش وەک وەرچەرخانێکی گرنگ بۆ گۆڕینی واقیعی کارەبا لە عێراقدا هەژمار دەکرێت.
بەپێی ڕاگەیەندراوێکی نوسینگەی ڕاگەیاندنی سەرۆکوەزیران، زیدی لە سەردانێکیدا بۆ بارەگای وەزارەتی کارەبا و لە کۆبوونەوەیەکدا لەگەڵ بەرپرسان و کادرە پێشکەوتووەکانی وەزارەتەکە، دڵنیایی داوەتە هاووڵاتییان کە ڕێکارەکانی حکومەت بەردەوامن بۆ کۆتاییهێنان بە سستبوون لە دۆسیەی کارەبا و ڕاگرتنی بەهەدەردان و گەندەڵی کە چەندین دەیەیە بەردەوامە.
جەختیشی کردەوە لەسەر پێویستیی چڕکردنەوەی هەوڵەکان، ڕووبەڕووبوونەوەی گەندەڵی، و پێشکەشکردنی لێکۆڵینەوەیەکی بەپەلە بۆ دابینکردنی سوتەمەنی بۆ وێستگەکان بە هەموو جۆرەکانیانەوە، تاوەکو بۆ وەرزی هاوینی داهاتوو باشتربوونێکی بەرچاو لە پێدانی کارەبادا بەدی بێت.
ئەو خاڵە گرنگانەی باس کراون:
- چاکسازیی گشتگیر: ئەنجامدانی چاکسازیی تەواوەتی بۆ ئەو ٣٠ هەزار مێگاواتەی کە ئێستا بەرهەم دەهێنرێت.
- هاوردەکردنی وزە: کڕینی کارەبای هاوردەکراو بە بڕی لاپەنی کەم ١٠ مێگاوات لە وڵاتانی دراوسێوە.
- پەرەپێدانی بەرهەمهێنان: کڕینی ٣٧ هەزار مێگاواتی نوێ کە بەم شێوەیە دابەش بووە:
١٥ هەزار مێگاوات لە کۆمپانیای GE (General Electric).- ١٢ هەزار مێگاوات لە ڕێگەی وزەی خۆرەوە.
- ١٠ هەزار مێگاوات لە وێستگە گەرمییەکان .
