کۆسرەت رەسوڵ عەلی هاوخەمی بۆ کۆچی دوایی مامۆستا حسێن عارف دەردەبڕێت
کۆسرەت رەسوڵ عەلی بەهۆى کۆچى دوایى چیرۆکنووس و رۆماننووسی گەورەی کورد مامۆستا حسێن عارف پەیامێکى هاوخەمى ئاڕاستەى خانەوادە و کەسوکاری ناوبراو و د.کاوان عوسمان عارف و سەرجەم نووسەرانی کوردستان دەکات.
دەقى پرسەنامەکە:
بەڕێزان خانەوادە و کەسوکاری چیرۆکنووس و رۆماننووسی گەورەی کورد مامۆستا حسێن عارف
بەڕێز: د. کاوان عوسمان عارف
بەداخێکی زۆرەوە هەواڵی کۆچی دوایی مامۆستای دیار و ناسراو، چیرۆکنووس و رۆماننووسی گەورەی گەلەکەمان مامۆستا (حسێن عارف)م بیست، دڵگران و خەمباری کردم.
مامۆستا حسێن عارف چیرۆکنووس و رۆماننووس و نووسەرێکی گەورەی کورد بوو، خزمەتێکی یەکجار گەورەی ئەدەبی کوردی و کتێبخانەی کوردی کرد، بەرهەمەکانی بۆ هەمیشە بە زیندوویی دەمێننەوە.
بەداخەوە بۆ ئەم کۆستە و لەدەستدانی ئەم کەڵە نووسەرە، پرسە و سەرەخۆشی و هاوخەمی خۆم ئاراستەی ئێوە و سەرجەم نووسەرانی کوردستان دەکەم، هیواخوازم ئەمە دواکۆست و ناخۆشیتان بێت، خوای گەورە سەبووری هەموو لایەک بدات و کۆچکردوو جێگای بەهەشتی بەرین بێت.
براتان
کۆسرەت رەسوڵ عەلی
