بە بڕی 200 ملیار دۆلار عیراق حەوت رێککەوتن لەگەڵ واشنتۆن ئیمزا دەکات
لە چوارچێوەی سەردانی سەرۆکوەزیرانی عیراق بۆ ئەمریکا، عیراق حەوت رێککەوتنی گرنگی بە بڕی نزیکەی 200 ملیار دۆلار لەگەڵ واشنتۆن ئیمزا کرد.
باسم محەمەد خەزیر، وەزیری نەوتی عیراق رایگەیاند، رێککەوتنەکان هاوبەشێتی لەگەڵ کۆمپانیا گەورەکانی ئەمریکا بۆ گەشەپێدانی کێڵگە نەوتییەکان و رێککەوتنێک لەگەڵ سوریا بۆ هێڵی گواستنەوەی نەوت لەخۆدەگرن.
وەزیری نەوت ئاماژەی بەوەش کرد کە توانای بەرهەمهێنانی رۆژانەی نەوتی عیراق گەیشتووەتە زیاتر لە 4.8 ملیۆن بەرمیل و لە ئێستاشدا گفتوگۆی جدی لەگەڵ رێکخراوی ئۆپێک بەردەوامە بۆ زیادکردنی ئاستی هەناردەکردن.
