پڕۆژەی تاکسی میتەر لە سلێمانی جێبەجێدەکرێت
جەمیل کەمال، بەڕێوەبەری گواستنەوەی سلێمانی رایگەیاند، پڕۆژەی تاکسی میتەر لە تەواوی هەرێم جێبەجێ دەکرێت و لە سلێمانیش ئامادەکارییەکان بۆ کاراکردنی سیستمەکە تەواو بوون.
بەگوێرەی پڕۆژەکە، نرخەکان بەپێی دووریی رێگا و تێچووی سووتەمەنی لە بەرژەوەندیی هاووڵاتییان دیاریدەکرێن؛ بەجۆرێک کیلۆمەتری یەکەم 1000 دینار دەبێت و لە کیلۆمەترەکانی دواتردا نرخەکە کەم دەکرێتەوە.
ئامێرەکان بە قیست دەدرێنە ئەو شۆفێرانەی خاوەنی لۆگۆن و لەکاتی سەرکەوتنی هەر سەرنشینێک، ئامێرەکە راستەوخۆ کاردەکات تاوەکو نرخەکە بەشێوەیەکی ورد بۆ هاووڵاتییان هەژمار بکات.
