ئەڵمانیا زیاتر لە 30 پەنابەری عیراقی و هەرێمی کوردستان دیپۆرت دەکاتەوە
ئەڵمانیا لە یەکەم گەشتی بەکۆمەڵی دیپۆرتکردنەوەدا پاش پەرەسەندنی گرژییەکانی نێوان ئەمەریکا و ئێران، زیاتر لە 30 پەنابەری عیراقی و هەرێمی کوردستانی رەوانەی بەغداد کردەوە.
لەم بارەیەوە پێشڕەو عەبدوڵڵا، نوێنەری پەنابەرە گەڕاوەكان رایگەیاند: لە شاری هامبۆرگى ئەڵمانیاوە بە زۆرەملێ زیاتر لە 30 کۆچبەر دیپۆرتی فڕۆکەخانەی بەغداد کراونەتەوە، کە ژمارەیەکیان خەڵکی هەرێمی کوردستانن و پرۆسەی دیپۆرتکردنەوەی کۆچبەرانی عیراقیش بەردەوامیی دەبێت.
وڵاتانى یەکێتی ئەوروپا لە دوای ساڵی 2016وە رێکارەکانی وەرگرتنى مافى پەنابەریی توندتر کردووەتەوە و زۆرینەی داواکاریی کۆچبەران کە لەو ماوەیدا گەیشتونەتە ئەوێ، بەهۆی نەبوونی بەڵگەی سەلمێنراوەوە رەتکراوەتەوە.
