ڕفعەت عەبدوڵا: یادی لەدایکبونی فەخری کائینات، هاندەرو هەوێنی پێكەوەژیان بێت
جێگری سەرۆکی یەکێتیی نیشتمانیی کوردستان پەیامێکی پیرۆزبایی ئاڕاستەی موسڵمانان دەکات و رایدەگەیەنێت: ئەم یادە ببێتە مایەی خێروخۆشی بۆ گەلەکەمان و ئاشتی و سەقامگیری ناوچەکەو جیهان بەگشتی.
دەقی پەیامەکە…
بهبۆنهی یادی لهدایكبوونی پێشەوای مرۆڤایەتی حەزرەتی محهمهد(د.خ) گەرمترین پیرۆزبایی لەسەرجەم موسڵمانانى جیهان بەگشتی و کوردستان بەتایبەتى دەکەم، لەخوای گەورە دوعاخوازم یادی لەدایکبونی فەخری کائینات، هاندەرو هەوێنی زیاتری چەسپاندنی گیانی لێبووردەیی و یەکترقبوڵکردن و پێكەوەژیان بێت و ئەم یادە ببێتە مایەی خێروخۆشی بۆ گەلەکەمان و ئاشتی و سەقامگیری ناوچەکەو جیهان بەگشتی.
ڕفعەت عەبدوڵا
جێگری سەرۆکی یەکێتیی نیشتمانیی کوردستان
