ناوەڕۆکى کۆبوونەوەى تیمى یەکێتى لە حکومەت ئاشکرا دەکات
- لە پێنجشەممەى ڕابردووەوە بافڵ جەلال تاڵەبانى بڕیارى کشانەوەى یەکێتى لە حکومەت داوە.
- بڕیارەکە لە کاردانەوەى هەڵبژاردنى دەستەى سەرۆکایەتیى پەرلەمان بوو بەبێ سازان.
پاش کشانەوەیان لە حکومەتى کاربەڕێکەر، ئەمڕۆ 8ـى تشرینى یەکەم، بە سەرپەرشتى قوباد تاڵەبانى، تیمى حکومى یەکێتى کۆبووەوە.
زانیارییەکانى کەناڵ8:
- قوباد تاڵەبانى و تیمەکە لە کۆبوونەوەکەدا جەختیان لە پابەندبوون بە بڕیارەکانى سەرۆکى یەکێتى کردووەتەوە.
- لە حکومەتى کاربەڕێکەر کشاونەتەوە و نەچوونەتەوە دەوامى حکومەت.
- تیمەکە بۆ ڕاییکردنى کاروبارى هاونیشتمانییان لە سلێمانى دەبێت.
- ڕێگە بە ڕاگرتنى مامەڵەى هاونیشتمانییان و فەرمانگە حکومییەکان نادەن.
ئەوەش لەکاتێکدایە، پاش ئەوەى پارتى و چەند پەرلەمانتارێک و سێ پەرلەمانتارى پێکهاتەکان، 4ـى ئەم مانگە و بەبێ ڕێککەوتنى سیاسی، کۆبوونەوەى پەرلەمانى کوردستانیان کرد و دەستەى سەرۆکایەتییان هەڵبژارد، بافڵ جەلال تاڵەبانى، سەرۆکى یەکێتیى نیشتمانیی کوردستان لە پەیامێکدا ڕایگەیاند، ئەم حکومەتە فەشەلى هێناوە و لە ئێستاوە لەم حکومەتە دەکشێینەوە، هەروەها دان بەوەی لە پەرلەمان ڕوویدا و بە دەرئەنجامەکانیشی نانێین
