سەنتەری جەڵتەی مێشک لەسلێمانی دەگاتە ئاستێکی جیهانیی
بۆ یەکەمجار لەسەر ئاستی عیراق و هەرێمی کوردستان، سەنتەری جەڵتەی مێشک لە نەخۆشخانەی فێرکاریی شار لە سلێمانی، بڕوانامەی دانپێدانانی نێودەوڵەتیی لەلایەن ڕێکخراوی جیهانیی جەڵتەی مێشک (World Stroke Organization – WSO) پێبەخشرا و وەک سەنتەرێکی سەرەکیی تایبەتمەند (Essential Stroke Center) بەکوالێتیی جیهانی ناسێنرا.
ئەم دەستکەوتە مێژووییە دوای ئەوە هات کە پێشتر تیمە پسپۆڕەکانی ڕێکخراوەکە چەندین جار سەردانی شاری سلێمانییان کردووە و وردبینی و هەڵسەنگاندنێکی مەیدانیی وردیان بۆ سەرجەم بەش و توانستە پزیشکییەکانی سەنتەری جەڵتەی مێشک لە نەخۆشخانەی شار ئەنجامداوە و پشکنینەکان ئاستی بەرز و پابەندبوونی تەواوی سەنتەرەکەیان بە پێوەرە جیهانییەکانی چاودێریی پزیشکی و پێشکەشکردنی باشترین خزمەتگوزاری بە نەخۆش پەسند کرد.
بەمەش سەنتەری جەڵتەی مێشک لە نەخۆشخانەی شار بووە یەکەم سەنتەری حکومی لەسەر ئاستی عیراق و ناوچەکە کە بتوانێت ئەم بڕوانامە نێودەوڵەتییە بەدەستبهێنێت، کە ماوەی ڕێپێدانەکەی لە 21ی ئابی 2026 تا 20ی ئابی 2029 بەردەوام دەبێت و ئەم هەنگاوە ئاستی خزمەتگوزارییە تەندروستییەکانی سلێمانی دەباتە قۆناغێکی بەرزتر و نەخۆشخانەی شار دەکاتە ناوەندێکی جێ بڕوا و شایستەی شانازی لەسەر ئاستی ناوچەکە
