دانە غاز: گازی سرووشتی بۆ وەزارەتی کارەبای عێراق دابیندەکەین
- کێڵگەی کۆرمۆرەوە گاز ڕەوانەی وەزارەتی کارەبای عێراق لە کەرکووک دەکرێت
- ڕۆژانە و بۆ ماوەی یەک ساڵ بڕی 100 ملیۆن پێ سێجا گاز ڕەوانە دەکات
- گازەکە بۆ وێستگەی کارەبای تازە لە کەرکووک دابین دەکرێت
- توانای بەرهەمهێنانی کێڵگەی گازی کۆرمۆر زیادیکردووە
کۆمپانیای دانە غاز ڕایگەیاند، لە کێڵگەی کۆرمۆرەوە گاز ڕەوانەی وەزارەتی کارەبای عێراق لە کەرکووک دەکەن و بەڵێنیش دەدات ئەو کارە بۆ ماوەی یەک ساڵ بەردەوام بێت و ڕۆژانە بڕی 100 ملیۆن پێ سێجا گازی سرووشتی بۆ وێستگەی کارەبای تازە دابین بکات
ئەو هەنگاوەی دانە غاز، دوای بەرزکردنەوەی بەرهەمهێنانە لە کۆرمۆر لە بە ڕێژەی 50٪ بۆ 750 ملیۆن پێ سێجا لە ڕۆژێکدا.
