وادەی ناونووسین بۆ پڕۆسەی حەج کۆتایی دێت

پرۆسەی ناونووسینی ئەلیکترۆنی بۆ پڕۆسەی حەج بۆ ساڵانی 2027 و 2028 کە لە 21ی تەممووزی 2026 دەستی پێکردبوو، لە 5ی ئاب کاتژمێر 12ی شەو کۆتایی پێدێت. بەڕێوەبەری کاروباری حەج و عومڕەی هەرێمی کوردستان ڕایگەیاند کە ماوەی پڕۆسەکە درێژ ناکرێتەوە، چونکە حکوومەتی عێراق پەلەیەتی لە تەواوکردنی ڕێکارەکان و وەرگرتنی ناوەکاندا.

بەگوێرەی ڕاسپاردەی سەرۆکی حکوومەت و وەزیری ئەوقاف، ناونووسینەکە بە خۆڕاییە و هاووڵاتییان دەتوانن لە ماڵەکانی خۆیانەوە ناوی خۆیان تۆمار بکەن. سەبارەت بە مەرجی تەمەن، پێویستە تەمەنی کەسی ناونووسکار لە 25 ساڵ کەمتر نەبێت، مەگەر بۆ حاڵەتی ئەو کەسە تەمەن گەورانەی کە تەمەنیان لە نێوان 40 بۆ 50 ساڵدایە و دەیانەوێت هاوەڵێکیان لەگەڵ بێت کە تەمەنی لە 25 ساڵ کەمتر باشد.

بۆ ئاسانکاری، ئەو کەسانەی ساڵی ڕابردوو ناویان تۆمار کردبوو دەتوانن تەنیا بە دوو کلیک زانیارییەکانیان نوێ بکەنەوە و بەشداری لە تیروپشکدا بکەن، هەروەها ئەوانەی پارساڵ ناویان بە یەدەگ هاتبووەوە، بۆ ئەمساڵ بە دەرچوو هەژمار دەکرێن.