قوباد تاڵەبانی ماڵئاوایی لە باڵیۆزی هۆڵندا لە عیراق دەكات
قوباد تاڵەبانی، جێگری سەرۆكوەزیرانی هەرێمی كوردستان لە پەڕەی تایبەتی خۆی لە تۆڕی كۆمەڵایەتی فەیسبووك نوسیویەتی، بەبۆنەی کۆتاییهاتنی ئەرکەکەی ماڵئاواییمان کرد لە بەڕێز جانێت ئەلبێردا، باڵیۆزی هۆڵندا لە عیراق. سوپاسی هاوکاری و هەوڵە بەردەوامەکانی بەڕێزیانم کرد بۆ پێشخستنی زیاتری پەیوەندییەکانی نێوان هەرێم و وڵاتی هۆڵندا لە بوارە جیاوازەکاندا. هیوای سەرکەوتنیشم بۆ خواست لە ئەرکی داهاتوویدا.
