دابەشكردنی موچەی مانگی 11 لەعیراق دەستپێدەكات

دەستەی خانەنشینی عیراق رایگەیاند: رێكارەكانی دابەشكردنی موچەی مانگی 11ی خانەنشینان كۆتایی هاتووە و سەرجەم بانكەكان ئاگادار كراونەتەوە كە دەست بە دابەشكردنی موچە بكەن.

ئەمڕۆ 1ی 11ی 2026، حوسام عەبدولستار، جێگری سەرۆكی دەستەی گشتی خانەنشینی عیراق، رایگەیاند: بەڕێنمایی فالح ساری، وەزیری دارایی عیراق، رێكارەكانی مووچەی خانەنشینان بۆ مانگی تشرینی دووەمی 2026 تەواو كراون و زانیارییەكان رەوانەی بانكەكان كراون بە مەبەستی تەواوكردنی ڕێكارەكانی دابەشكردنی مووچە.

جێی ئاماژەیە، لەسەرەتای هەموو مانگێكدا وەزارەتی دارایی عیراق دەست بەدابەشكردنی مووچەی خانەنشینان دەكات و پاشان مووچەی وەزارەتەكانی دیكە دابەش دەكرێت.

ئەمەش لەكاتێكدایە، رۆژی 25ی 10ی 2026، وەزارەتی دارایی عیراق دەستی بەدابەشكردنی مووچەی مانگی 10ی مووچەخۆرانی عیراق كرد.