پەرلەمانی عیراق کۆدەبێتەوە؛ خوێندنەوەی یەکەم بۆ پێنج پێشنیازەیاسا دەکرێت
فەرمانگەی راگەیاندنی ئەنجوومەنی نوێنەرانی عێراق، کارنامەی دانیشتنی رۆژی یەکشەممەی بڵاوکردەوە، کە بڕیارە سەعات 1ی پاشنێوەڕۆ بەڕێوەبچێت و تیایدا خوێندنەوەی یەکەم بۆ پێنج پێشنیازەیاسای گرنگ بکرێت.
بەپێی کارنامەکە، بڕگەکان بەم شێوەیەی خوارەوە رێکخراون:
هەموارکردنی یاسای شارۆچکە پیشەسازییەکان، لەلایەن لیژنەی ئابووری، پیشەسازی و بازرگانییەوە ئامادەکراوە.
رێکخستنی وزەی نوێبووەوە: لەلایەن لیژنەی کارەبا و وزەوە پێشکەشکراوە.
هەموارکردنی یاسای بەرگریی شارستانی: لەلایەن لیژنەی ئاسایش و بەرگرییەوە ئامادەکراوە.
پەسەندکردنی پەیماننامەی هاوبەشی ستراتیجیی نێوان عیراق و فەرەنسا: لەلایەن لیژنەی پەیوەندییەکانی دەرەوە ئامادەکراوە.
هەموارکردنی یاسای رزگاربووانی ئێزدی: لەلایەن لیژنەی شەهیدان، قوربانیان و زیندانیانی سیاسییەوە ئامادەکراوە
