لە میسان دەستبەسەر ژمارەیەک درۆن و چەکی جۆراوجۆردا گیرا

• هەوڵەکانی  بەرەنگاربوونەوەی چالاکیی پێچەوانەی یاسا و لەسەر بنەمای زانیاریی وردی هەواڵگری بەردەوامە.
• دەستیان گرتووە بەسەر چەندین درۆن و گولـلە هاوەن و مووشەک و چەکی جۆراوجۆردا

بەڕێوەبەرایەتیی هەواڵگریی سەربازیی عێراق ئاشکرای دەکات، لە پارێزگای میسان دەستیان بەسەر درۆن و چەکی جۆراوجۆردا گرتووە.

ڕاگەیێنراوی بەڕێوەبەرایەتیی هەواڵگریی سەربازیی عێراق

بەڕێوەبەرایەتییەکە لە ڕاگەیێنراوێکدا دەڵێت، لە بەردەوامیی هەوڵەکانیان بۆ بەرەنگاربوونەوەی چالاکیی پێچەوانەی یاسا و لەسەر بنەمای زانیاریی وردی هەواڵگری، دەستیان بەسەر چەندین درۆن و گولـلە هاوەن، مووشەک و چەکی جۆراوجۆردا لە پارێزگای میسان گرتووە.

گرتنەبەری ڕێکاری یاسایی

ئاماژە بەوەشکراوە، هێزەکانیان ڕێکاریی یاساییان گرتووەتەبەر و دەستیان بەسەر ئەو چەکانەدا گرتووە.

بەڕێوەبەرایەتیی هەواڵگریی سەربازی جەختلەوە دەکاتەوە، لە هەوڵەکانی بۆ بەرەنگاربوونەوەی چالاکی نایاسایی و دەستبەسەرداگرتنی چەک و کەلوپەلی پێچەوانەی یاسا بەردەوام دەبن.

ئاماژە بەوەشکراوە، ڕێکاری یاسایی تووند دژی ئەو کەسانە دەگرنەبەر، کە لەکاری نایاسایی تێوەگلاون