لە قەرەهەنجیر دوو منداڵ لە دەستى ژمارەیەک ڕفێنەر ڕزگار کران
ئاوارە ئەحمەد، بەڕێوەبەری شارەدێی قەرەهەنجیر ڕایگەیاند :
- پاش ئاگادارکردنەوەی هێزە ئەمنییەکانی سنوورەکە، بەسەرپەرشتیی بەڕێوەبەری ناحیە، هەڵمەتێک بۆ دەستگیرکردنی چەند کەسێک کرا کە تۆمەتباربوون بەڕفاندنی دوو منداڵ.
- لە هەڵمەتەکەدا هێزەکانی پۆلیس و ئاسایش لە شارەدێی قەرەهەنجیر بەشداربوون.
- ئەو دوو منداڵەشی ڕفێنرابوون خەڵکى پارێزگای کەرکووک بوون.
- زانیاریی پێشوەختە هەبووە لەسەر تۆمەتبارەکان و لەکاتی گەیشتنیان بە قەرەهەنجیر، ئاشکرابوون.
- هەوڵیانداوە لە سەنتەری شارەکە خۆیان بشارنەوە و لەدەستی هێزەئەمنییەکان هەڵبێن.
وەک بەڕێوەبەرى شارەدێى قەرەهەنجیر دەڵێت، هەرچەندە ڕووبەڕووبونەوە ڕوویدا، بەڵام سەرئەنجام توانراوە سەرجەم تۆمەتبارەکان دەستگیربکرێن کە ژمارەیان چوار کەس بوو و هیچ زیانێکی گیانی لەڕووداوەکەدا نەبووە و منداڵەکانیش پاش ڕزگارکردنیان ڕادەستی پۆلیسی کەرکووک کراونەتەوە.
