ڕەوتى هەڵوێست: بەشداریى دانیشتنى پەرلەمان ناکەین

• بەشێکى زۆر لە فراکسیۆنەکانى بەشداریى دانیشتنى پەرلەمان ناکەن.
• هیچ وادە و ڕێککەوتنێکى فەرمى بۆ کاراکردنەوەى پەرلەمان نییە.
• فراکسیۆنەکان بە دەم بانگەوازەکەى فراکسیۆنى پارتییەوە ناچن.

ڕەوتی هەڵوێست ڕەتیکردەوە بەشداریی دانیشتنی پەرلەمان بۆ هەڵبژاردنی دەستەی سەرۆکایەتی بکات، کە فراکسیۆنى پارتى داواى کردووە چوارشەممە بکرێت.

ڕەوتى هەڵوێست:

• لە سەرەتاوە بڕیارمانداوە ئۆپۆزسیۆن بین.
• ئەرکی ئۆپۆزسیۆن نییە دەستەی سەرۆکایەتی بۆ هێزێک یان دوو هێزی دەسەڵاتدار هەڵبژێرێت.
• دواتر ئەوان سەرۆکی هەرێمى کوردستان و حکومەت دیاری بکەن.
• پێشتر هەڵوێست نەچووەتە بلۆکی دیکە و ئێستاش لە ژێر هیچ بیانوویەکدا ناچێتە لای هیچ لایەنێک.
• وەک ئۆپۆزسیۆنێکی ڕاستگۆو جددی دەمێنێتەوە.

ئەمەش لە کاتێکدایە فراكسیۆنەکانى پارتى، سۆسیالیست و توركمان و كلدان ئاشوورى داوایان کرد چوارشەممە دانیشتنى تەواوکارى یەکەم دانیشتنى پەرلەمان بکرێت. جگە ڕەوتى هەڵوێست، فراكسیۆنەکانی یەكێتی، نەوەی نوێ و یەكگرتوو، فراکسیۆنێکى تورکمان و فراکسیۆنێکى کریستیان بەشداریى دانیشتنەکە ناکەن