کەشناسی عێراق: سبەی لە هەرێمی کوردستان باران دەبارێت
کەشناسی عێراق ئاماژە بە گۆڕانکاری لە کەشوهەوای ناوچەکە دەکات، بە جۆرێک لەگەڵ دەستپێکی هەفتەدا شەپۆلێکی بارانبارینی کەم و نزمبوونەوەی پلەکانی گەرما ناوچە جیاوازەکانی هەرێمی کوردستان دەگرێتەوە.
پێشبینییەکانی دەستەی گشتیی کەشناسی عێراق:
- ڕۆژی یەکشەممە ئاسمانی هەرێمی کوردستان لەنێوان هەور و هەتاودا دەبێت و لە چەند ناوچەیەک ئەگەری بارانبارین هەیە.
- پلەکانی گەرمای ڕۆژی یەکشەممە هاوشێوەی ڕۆژانی ڕابردوو دەبێت و گۆڕانکارییەکی ئەوتۆی بەسەردا نایەت.
- لە ڕۆژی دووشەممەوە پلەکانی گەرما ڕوو لە نزمبوونەوە دەکەن و لە بەشی ڕۆژهەڵاتی هەرێم ئەگەری بارانبارینی کەم هەیە.
نزمبوونەوەی پلەکانی گەرما تاوەکو ڕۆژی سێشەممە بەردەوام دەبێت و کاریگەرییەکەی ناوچە جیاوازەکان دەگرێتەوە.
