تۆمەتبارانی هەڵکوتانە سەر نووسینگەیەکی دراو لە سلێمانی دەستگیرکران.
بەڕێوەبەرایەتیی ئاسایشی پارێزگای سلێمانی دەستگیرکردنی دوو تۆمەتباری راگەیاند، کە هەڵیانکوتابووە سەر نووسینگەیەکی ئاڵوگۆڕی دراو لە شارەکە.
بەپێی راگەیەندراوەکەی ئاسایش، هێزەکانیان هاوکات لەگەڵ دەستگیرکردنی تۆمەتبارەکان، دەستیان بەسەر تەواوی پارە دزراوەکە و هەر دوو دەمانچەکەیاندا گرتووە. ئێستاش هەردوو تۆمەتبار بەپێی ماددەی 444 لە یاسای سزادانی عیراقی راگیراون و لێکۆڵینەوە لە پەڕاوی دۆسیەکەیان بەردەوامە.
