وەزارەتی پێشمەرگە هۆشداری دەداتە ئەفسەر و پێشمەرگەکان
وەزارەتی پێشمەرگەی حکومەتی هەرێمی کوردستان لە راگەیەندراوێکدا، داوای لە تەواوی ئەفسەر و پێشمەرگەکان کرد وشیار بن و وێنە و ڤیدیۆی سەربازیی خۆیان رادەستی هیچ کەس و پەیجێک لە تۆڕە کۆمەڵایەتییەکاندا نەکەن.
وەزارەتەکە ئاماژەی بەوە کردووە کە بەشێک لە پەیج و ئەکاونتەکان داوای وێنەی چالاکییە سەربازییەکانیان لە پێشمەرگەکان کردووە، له پێناو پاراستنی ئاسایش و زانیارییە کەسی و گشتییەکانیشدا، داوا دەکات بە هەموو شێوەیەک لە ئاڵوگۆڕکردنی ئەو جۆرە وێنە و بەڵگەنامانە بەدوور بن تا خۆیان و یەکە سەربازییەکانیان پارێزراو بن
