سەرۆکى دەستەى ڕاگەیاندن و پەیوەندییەکان: کێشەى کۆڕەک تیلیکۆم کێشەى ئەمڕۆ نییە
- سەرۆکى دەستەى ڕاگەیاندن و پەیوەندییەکان: کێشەى کۆڕەک تیلیکۆم سیاسی نییە
- سەرۆکى دەستەى ڕاگەیاندن و پەیوەندییەکان: لە ساڵى 2022ـەوە مۆڵەتى کۆڕەک کۆتاییهاتووە
- سەرۆکى دەستەى ڕاگەیاندن و پەیوەندییەکان: كێشەی کۆڕەک تێلیکۆم تەواو هونەرییە
سەرۆکی دەستەی ڕاگەیاندن و پەیوەندییەکانی عێراق ڕایگەیاند، کێشەی کۆڕەک تێلیکۆم تەواو هونەرییە و هیچ پەیوەندییەکی بە سیاسەتەوە نییە، دەشڵێت کۆمپانیاکە پابەندی گرێبەستی پاکتاوکردنی قەرزەکانی نەبووە.
لێدوانی ڕۆژنامەوانی سەرۆکی دەستەی ڕاگەیاندن و پەیوەندییەکانی عێراق
بەلیغ ئەبوکەلەل، سەرۆکی دەستەی ڕاگەیاندن و پەیوەندییەکانی عێراق لە لێدوانێکی ڕۆژنامەوانیدا گوتی، کارێکی هەڵەیە کێشەکانی کۆڕەک بە سیاسی بکرێت، چونکە ئەو لایەنە سیاسییەی من سەر بەوان، خێزانی حەکیمە، هەمووان دەزانن پەیوەندییەکانی خێزانی حەکیم و بارزانی زۆر نایابه”.
بڕی قەرزەکانی کۆڕەک تیلیکۆم
- کۆمپانیای کۆڕەک تیلیکۆم دوو تریلیۆن دیناری باج قەرزارە
- کۆمپانیای کۆڕەک تیلیکۆم بڕی ملیارێک دۆلاری دەرەکی قەرەزارە
دەستەی پەیوەندییەکان ماوەی هەشت مانگ چاوەڕوانی پاوکتاوکردنی قەرزەکانی کۆڕەکی کردووە
گوتیشی، “کۆمپانیای کۆڕەک دوو ترلیۆنی دەستەی پەیوەندییەکان و دوو ترلیۆنی باج و ملیارێکی دۆلاری دەرەکی قەرزارە”.
بوونی گرێبەستی پاکتاوکردنی قەرزەکان
بەلیغ ئەبوکەلەل ئەوەشی ئاشکرا کرد، “گرێبەستێکیان بۆ پاکتاوکردنی قەرزەکان لەگەڵ کۆڕەک هەبووە، بەڵام کۆڕەک پابەندنەبووە و خودی خۆشی بۆ ماوەی هەشت مانگ چاوەڕوانی کۆمپانیاکەی کردووە، بەڵام بێسوود بووە
