وەفدێکی باڵای سیاسەتمەداران و رۆشنبیر و ئەدیبانی وڵاتی میسر سەردانی مەزاری سەرۆک مام جەلال یانکرد.
وەفدێکی باڵای سیاسەتمەداران و رۆشنبیر و ئەدیبانی وڵاتی میسر سەردانی مەزاری سەرۆک مام جەلال یانکرد.
رۆژی ٢٧ـی ئەیلول ٢٠٢٦ ، وەفدێکی باڵای وڵاتی میسر بە یاوەری بەڕێزان فەرید ئەسەسەرد رووناکبیر و سیاسەتمەدار ، دکتۆر یاسین رەووف رەسوڵ نوێنەری یەکێتیی نیشتمانیی کوردستان لە وڵاتی میسر ، سەردانی مەزاری سەرۆک مام جەلال یانکردوو لە لایەن مەکتەبی سکرتارییەتی سەرۆک مام جەلال ـە بە گەرمی پێشوازیکران .
دوایی دانانی تاجە گوڵینەی رێز و وەفاداری وەفدی میوان بە رێزەوە لە دەفتەری یادەوەرییەکاندا مێژووی خەبات و تێکۆشان و سەرکردایەتی سەرۆک مام جەلال یان خستەڕوو وەک سەرکردەیەکی گەورەی گەلی کورد کە رۆڵی گەورەی گێڕاوە بە ئاڕاستەی ئاشتی و دۆستایەتی زیاتر نزیک بوونەوەی هەردوو گەلی کورد و میسری برا .
لای خۆیانەوە مەکتەبی سکرتارییەتی سەرۆک مام جەلال سوپاسی سەردان و وەفاداری وەفدی میوانیان کردوو جەختیان لە هەڵوێستە گرنگەکانی سەرۆک و رابەر جەنابی مام جەلال کردەوە لەگەڵ گەلی میسری دۆست کە هیچ کات هەنگاوەکانی سەرۆک مام جەلال بێ حیکمەت و خوێندنەوەی قوڵ نەبووە بۆ ژیان و سیاسەتکردن .
مەکتەبی سکرتارییەتی سەرۆک مام جەلال
